Goodies Farm, dyqani që mblodhi bashkë fermerët dhe prodhuesit e vegjël Shqiptarë!

 

Ky ambjent është konceptuar për të përmbushur kërkesat e konsumatorëve të cilët kërkojnë cilësi, garanci dhe shije në ushqimet që konsumojnë.

 

Një pjesë e produkteve të larmishme në sektorin e bulmetit vijnë nga vetë ferma Goodies Farm në të cilën trajtohen me shumë përkujdesje, dhitë dhe shpendët. Pjesa tjetër e produkteve vjen nga zonat e thella të Shqiperisë ku fermerët e vegjël kanë ditur të bëjnë mrekulli me trajtimin artisanal të qumështit.

 

Në sektorin e Mishit, i gjithë nensektori i shpendarisë ka si bazë furnizimi fermën Goodies Farm me vendondodhje në Fushë Prezë, ku shpendët rriten në mënyre të lire dhe vetëm me ushqim të përzgjedhur natyral. Mishi i kuq sigurohet në zonën e Mokrrës në Pogradec, zonë e cila shquhet për klimën e shëndetshme dhe tokat e pakontaminuara.

 

Sektori i frutaperimeve është sektori më i vështirë për vetë stinën ku ndodhemi, por kur ka shumë përpjekje dhe dëshirë për të qënë filtri i ushqimit që i ofrohet konsumatorit, çdo gjë është e mundur.