Me natyrën konkurruese që ka fusha e biznesit, vetëm të mbijetosh nuk mjafton. Me kaq shumë shpërqendrime, si mund të kalosh turmën dhe të kapësh qëllimet e tua? Nuk duhet vetëm të konkurroni, duhet të dominoni. Në mënyrë që të sillni më shumë të ardhura për biznesin dhe familjen tuaj, duhet të fokusoheni në disa pika gjatë gjithë kohës.
Mendo ndryshe: Ajo çfarë ju ka sjellë deri këtu nuk do ju çojë më larg. Nëse realisht doni të dominoni një industri dhe të jeni biznesi kryesor brenda saj, duhet të ndaloni së menduari dhe operuari si të gjithë të tjerët. A dëshironi të jeni biznesi që prodhon më shumë, me një çmim më të ulët, apo doni më pak klientë që ju paguajnë më shumë para? Nuk ka një përgjigje e duhur ose e gabuar. Duhet të vendosni se çfarë lloj biznesi doni të jeni.
Rri gjithmonë gati: Takon dikë në një ngjarje rrjetëzimi. Pasi flisni për pak minuta, shkëmbeni dhe kartëvizitat tuaja. Sapo ky person të kthehet në zyrë, bëjnë tre gjëra: vizitojnë faqen tuaj, shikojnë profilin tuaj në LinkedIn dhe madje të shikojnë edhe profilin në Facebook. Domethënë, ke më pak se pesë minuta për t’ia marrë vëmendjen këtij personi. Kur të kesh kohë, bëje një kontroll personale. A duket faqja e juaj e internetit ndryshe, apo njëlloj si gjithë konkurrentët e tu? A përmban faqja juaj e LinkedIn rekomandime, foto dhe video që do ja kapin vëmendjen, apo mënyra se si produktet tuaja i kanë ndihmuar klientëve? Mos harro, mjaftojnë vetëm pesë minuta për t’ia dhënë dikujt përshtypjen e parë.
Perfeksiono përshkrimin tënd rreth biznesit: Në një ngjarje tipike të rrjetëzimit, do kesh një mundësi për një përshkrim të shkurtër se çfarë është biznesi yt, i cili mund të zgjasë nga 30 deri në 60 sekonda. Shumica janë shumë të lodhshme. Fokusohu në tre gjëra kur punon në fjalimin tënd: kush është audienca e synuar, si mund t’i ndihmosh dhe çfarë ofron.
Kap vëmendjen e njerëzve: Kohë më parë, nëse dëshiroje të reklamoje shërbimet, do të të duhej ta bëje në shtyp, në radio, postera apo televizion, platforma këto shumë të shtrenjta për bizneset e vogla. Kompanitë me më shumë para kishin avantazh. Por gjërat janë shumë më ndryshe në 2019. Të gjithë kanë një mundësi të barabartë. YouTube, Facebook, LinkedIn, apo Instagram i kanë lejuar të gjithëve të jenë në pronësi të një rrjetëzimi personal, të aftë të regjistrojë qindra mijëra njerëz me një klik të vetëm butoni. Nuk e di se nga t’ia fillon? Fillo duke bërë një përpjekje për të hedhur një video në javë në YouTube. Këto mund të jenë video të thjeshta dy-minutëshe të cilat tregojnë se si ju ndihmoni konsumatorët tuaj. Dërgojani klientëve me një shënim të personalizuar dhe kërkojuni mendimin. Duke dhënë vlerë falas, pa e shitur, do kapni vëmendjen tuaj dhe në të ardhmen ata mund të jenë klientët tuaj të rinj.
Rri mbi konkurrencën: Mendo se çfarë të bën ndryshe nga konkurrenca, ty si individ. Fatkeqësisht nuk të mjafton vetëm një produkt ose shërbim i mirë. Ka disa gjëra të ndryshme që mund të fillon t’i bësh që sot: shkruaj një libër, intervistohu në një radio ose emission televiziv. Filloj bëj paraqitje të drejtpërdrejt në Facebook. Krijo një kanal në YouTube. Me rrjetet sociale të sotme, të gjithë po ju shohin. Ndoshta nuk komentojnë ose nuk bëjnë pëlqime, por ju kanë nën vëzhgim gjithmonë.
